Sjukepleiarstudent På Stipendordning

Hyllestad kommune kan tilby stipend til sjukepleiarstudentar.
Vi tilbyr eit stipend på kr 180.000, knytt opp mot to års bindingstid etter fullført utdanning. Stipendet vert utbetalt med 1/3 etter kvart fullført studieår.
Kvifor søkje hos oss?
Du vil få utbetalt stipend etter kvart studieår
Du vil ha fast helge
- og feriejobb i studietida, vi tenkjer arbeid 3. kvar helg og elles arbeid i lengre feriar
Eigen lønsstige som student
Du vil ha fast jobb å gå til etter endt studie
Klar til å søkje? Gå rett til søknadsskjema her Vi ser for oss at du
skal starte på sjukepleiarstudiet no i haust eller vinter, men om du er i gang allereie er du også velkomen som søkjar. Du bør ha interesse for å arbeide med eldre og sjuke, vere lærevillig og ha gode referansar.
Tenkjer du om deg sjølv at du er evne til å gje omsorg og tryggleik, har eit heilheitsblikk, samt er motivert for å arbeide med pasientgruppa vår, då er du kanskje ein god kandidat for oss.
Godkjent politiattest og eigenerklæring smittevern må leverast før tiltreding. Kontakt
Fleire opplysningar om stillinga kan du få hos fagleg leiar Hilde Merethe Håvåg på telefon 404 14 61 eller adm.leiar Unni Systaddal på telefon 481 79 160. Kvifor Hyllestad?
Hyllestad kan skilte med norsk natur på sitt beste, du kan rusle langs vasskanten eller bestige fjell som Lihesten, her er gode moglegheiter for jakt og fiske. I Hyllestad er det rom og moglegheiter for både familiar og einslege. Vi har mange fritidsaktivitetar i regi av ulike lag og organisasjonar. Og - her er plass til fleire, kanskje akkurat deg?
Vi har ledige byggeklare tomter med flott utsikt og gode solforhold, fritids
- og aktivitetstilbod for både store og små, rimelege barnehageplassar.
Har du lyst å lese meir om livet i Hyllestad, sjekk ut Hyllestadinfo
Alle tilsette i kommunen har gratis tilgang til treningsstudio i idrettshallen vår på Hyllestad. Vi ser fram til søknaden din Eit godt arbeidsmiljø er prega av mangfald. Vi oppmodar alle kvalifiserte kandidatar til å søkje på læreplassen. Relevante lenkjer
Hyllestad kommune som framtidig arbeidsgjevar
Hyllestadinfo
Informasjon om bustadtilskot til førstegangsetablerarar
Sjå film om den fine kommunen vår

Sjå andre ledige stillingar i Hyllestad på arbeidsplassen.no